Korporata Energjetike e Kosovës sh.a. njofton që furnizimi me energji elektrike sot, më datë 12 dhjetor 2010 është stabil. Nuk aplikohen reduktime dhe furnizimi me energji elektrike është 24:0 për të gjithë konsumatorët.

Nga termocentralet janë duke u prodhuar rreth 820MW dhe 60MW importohen, në një kohë kur konzumi ka arritur vlerën e rreth 880MW.

Deri në orën 11:00 të ditës së sotme janë raportuar 4 defekte në rrjetin e shpërndarjes së energjisë elektrike:

•       Në Gjakovë ka patur defekt në largpërçuesin e Skivjanit në orën 04:55, i cili defekt është riparuar në orën 09:00;

•       Në Prizren ka patur defekt në largpërçuesin e Korillës në orën 07:05 dhe ky defekt është eliminuar në orën 08:46;

•       Në Pejë ka patur një defekt të shkurtër në daljen 10kV të Rugovës, e cila është kyçur në rrjet në orën 10:55;

•       Dalja 10kV e stacionit hekurudhor të Vushtrrisë është e ndalur si pasojë e një defekti teknik, në të cilin janë duke punuar ekipet e Korporatës për ta sanuar.

Korporata ka në dispozicion ekipe të mirëmbajtjes në çdo qytet të Kosovës dhe fton qytetarët të lajmërojnë për ndërprerje të pajalmëruara të energjisë elektrike në qendrat më të afërta të distribucionit, në mënyrë që të reagohet shpejt në evitimin e problemeve teknike që mund të paraqiten.

KEK sh.a. uron qytetarët për zgjedhjet 2010!